Cêt al voleve dî “cidin" (in ciertis areis dal Venit al sta par "cuiet") e, in principi, al sarà stât duncje un sorenon. Al podarès ancje jessi la forme aferetiche di nons tant che Felicèt (di Felice) o Simplicèt (di Simplicio). Nol è di escludi che, come il cognon agordin Ciet, al puedi derivâ di Cieta, ipocoristic probabil di Lucia (De Nardin e Tomasi, 1991). Presint a Osôf (chi si lu cjatave cence altri tal secul passât) e a Udin. A nivel storic al è documentât a Griz (Montreâl) li che, tal 1577, fu elleto cameraro per lano sequente ser Marco Delcetto (o Del Cetta) da Grizo (Catapan de Fradese di Griz).